ضجت المواقع الإخبارية بأن مدير بنك السودان أصدر قرار بحل لجنة جمع وابادة العملة القديمة نتيجة لما اسماه (تسريب) مبالغ ضخمه من العملة القديمة!! (ضخمه دى حقتى انا) والله انفخها نفخ.
الناس استخدمت كلمة (تسريب) وده توصيف خاطئ جدا الصاح نقول (سرقة) تسريب دى تستخدم لزيت بنزين جاز غاز لكن قروش (لا) من الله خلقكم سمعتوا بى قروش بتتسرب؟ القروش بتتسرق بتتنهب خاصة وأن العملة يوم ُسرقت وليس ُسربت تعتبر شغالة ومبرأه للذمة يعنى القروش دى بعد تم جمعها وأُعتبرت تالفة ومحلها طلعت عملة جديدة قام هولاء المسربون اقصد (الحرامية) اولاد ال...... بإعادة تدويرها وادخالها السوق عشان تجى خاشة تانى البنك من الباب!! انتو متخيلين معاى حجم الكارثة والمصيبة؟
لا أعتقد اطلاقا ان هناك حرامى تلب من فوق حائط البنك ودخل سرق القروش وهرب، اذا الحرامى هو منو؟ دى عاوزة ليها لجنة وهلمجرا وبطيخ؟
كسرة :-
انتو اللواء بتاع مدنى داااك اخبارو شنو ؟.
 مبالغ ضخمه من العملة الق…){kind=link}
تعليقات
إرسال تعليق