ً كلمتين ونص

ايهاب محمد نصر

نرجع لى وراء شوية، الولاية دى مروا عليها ولاة بعد الثورة تجى مجموعة تمسك الوالى من اضانو وتقول ليه صدق لينا بالميدان الفلانى!! صدق لينا بدكاكين فى الشارع العلانى!! لدرجة فى لحظة موقف عربات فى نص السوق بقى كووووله دكاكين!  إدارة الشراء والتعاقد فى فترة من الفترات كان كل شغلها شراء مكيفات وثلاجات هى عبارة عن طلبات مواطنين صدقها ليهم الوالى! وفى بعض الروايات تقول انو مره الوالى (X) اعترض فى حاجه قطعوا فوقه (كف) مشى ذى الطلقة!!! الولاية دى كان تجى كل يوم السوق تلقى اتبنى دكاكيين فى اى ركن منها ! لا سلمت النوادى ولا المرافق الحكومية ولا حتى المساجد شفتو كيف؟ يا اخونا الوالى الضعييييف الهزيل كارثتو هى ابو ام الكوارث ومغصتو هى أسوأ المغصات ، لذا الوالى مصطفى محمد نور ده لو قعد فى بيتو وخلف رجل فى رجل وما عمل اى حاجه كفاية علينا طالما وقف المهزلة دى وقدر يقول لا لى اتخن تخيين 

ابو الزفت ذاتو.